Ұлттар лигасы. Польша – төменгі лигаға түскен алғашқы құрама

Италия құрамасы Ұлттар лигасының матчында Польшаны 1:0 есебімен жеңді.

Ойындағы жалғыз голды 92-минутта Кристиано Бираги соқты.

Осы жеңілістің соң поляк футболшылары өз тобында соңғы, үшінші орынды еншілеп отыр. Польшаның еншісінде 1 ұпай бар. Италиялықтар 4 ұпаймен екінші орында тұр. Ал көш басындағы Португалия 6 ұпай.

Осылайша, Польша Ұлттар лигасы тарихында төменгі дивизионға түсіп қалған алғашқы құрама атанды. Енді 2020/2021 жылғы маусымда команда турнирдің В дивизионында ойнайды.