Латвия – Қазақстан матчында австриялықтар төрелік етеді

УЕФА Ұлттар лигасы аясындағы Латвия мен Қазақстан құрамаларының матчын төрелік ететін арбитрлер бригадасы анықталды.

Бұл ойында австриялық Харальд Лехнер бас қазы болмақ. Оған Андреас Хайндрайх пен Максимилиан Кольбич көмектеседі. Ал төртінші арбитр ретінде Андреас Штаудингер тағайындалды.

Айта кетейік, Латвия мен Қазақстан құрамалары арасындағы матч 13 қазанда Астана уақытымен 22:00-де басталады.