Аршавин «Қайрат» туралы кітап жазбақ

«Қайраттың» жартылай қорғаушысы Андрей Аршавин жақын арада кітап шығарады.

Ресейлік футболшы бұл кітапта өзінің Қазақстандағы өмірі мен «Қайраттағы» мансабы туралы баяндамақ. 37 жастағы Аршавин бұған дейін 2008 жылы бір кітап шығарған болатын.

Айта кетейік, сан-петерборлық «Зенит» пен лондондық «Арсеналдың» бұрынғы ойыншысы 2016 жылдан бері «Қайрат» сапында ойнап жүр. Жақында Аршавин «сары-қаралар» құрамындағы жүзінші ойынын өткізді.