Қазақстан еурокубок маусымының рейтингісінде көтерілді

«Астана» Еуропа лигасының топтық кезеңінде франциялық «Реннді» жеңгеннен кейін Қазақстан еурокубоктар рейтингісінде жоғарылады.

Елордалық клубтың жеңісі Қазақстанға осы маусымдағы коэффициенттер кестесінде бір орынға көтерілуге мүмкіндік берді.

Қазақстан қазір 3.500 ұпаймен 16-шы орында келеді.

Ал көш басында 5,928 ұпайы бар Германия тұр. Испания (5.714) екінші орында, ал Италия (5.642) үздік үштікті түйіндейді.