«Qazsport» бүгін Еуропа лигасының үш матчын көрсетеді

«Qazsport» телеарнасы бүгін Еуропа лигасының топтық кезеңі аясындағы үш матчты тікелей эфирде көрсетеді.

Елордалық «Астана» бүгін франциялық «Ренн» клубын қабылдайды. Ойынның тікелей трансляциясы 20:40-та бастау алады.

Артынша, 22:55-те италиялық «Милан» мен грекиялық «Олимпиакос» арасындағы матчтың ысқырығы шалынады.

Италиядағы кездесу біткен соң қазақстандық телеарна Ресейге бет бұрады. Мәскеуде жергілікті «Спартак» испаниялық «Вильярреалды» қабылдайды. Бұл ойын түнгі 1:00-де басталады.