Ыcқақов пен Омаров жылдың соңына дейін төрелік етуден шеттетілді

Жиында төреші Марат Ысқақовтың деңгейі Премьер-лига талабына сай келмейтіні жөнінде мәселе қаралды. Төрешілер комитетінің шешімімен Марат Ысқақов жыл соңына дейін арнайы шешім шыққанша Премьер-лига, Бірінші лига және Екінші лига клубтарының матчтарында қызмет атқарудан шеттетілді.

Сонымен қатар, төреші Рүстем Омаров та бірауыздан Премьер-лига, Бірінші лига және Екінші лига клубтарының матчтарында жыл соңына дейін төрелік ету құқынан айырылды. Оның қызметі моральдық-этикалық ережеге сай келмеуіне байланысты қаралды.

Төрешілер комитетінің отырысында 2019 жылғы ФИФА тізіміне ұсынылатын үміткерлердің тізімі бекітілді.