Қызылордада 3500 орынға арналған жабық футбол алаңы салынады

2019 жылы Қызылорда қаласының сол жағалауында 3500 орынға арналған жабық футбол алаңының құрылысы басталады. Бұл туралы ҚазАқпарат хабарлады.

<span>Қызылорда облысының әкімі Қырымбек Көшербаев «Қайсар» футбол клубы басшылығы және ойыншылармен кездесуінде осы жағымды жаңалықты жеткізді.</span>

<span>Аймақ басшысы футболшылар жаттығуын тамашалап, олармен ой-пікір бөлісті. Кездесу барысында аймақ басшысы футболшыларға жаңа жеңіс тіледі.</span>

<span>«Қазір стадионды қайта жаңғырту сапа стандарты талаптарына сай өз деңгейінде жүргізілуде. Сондай-ақ, келесі жылы сол жағалауда 3500 орынға арналған жабық алаңның құрылысы басталады», - деді аймақ басшысы.</span>

<span>Еске сала кетейік, «Қайсар» командасы бүгінде ел біріншілігінде соңғы айналым ойындарын өткізіп келеді. Соңғы турда өз алаңында қарағандылық «Шахтерден» басым түсті. Қорытынды 3 айналым бойынша бүгінде 4 матч өткізіп, ойыншылар 7 ұпайға ие болды. Алда тағы 7 ойын бар. Турнир кестесінде «Қайсар» жетінші орында тұр.  Футбол маусымы ашылар тұста облыс әкімі олардың алдына ел біріншілігінде кемінде бесінші орын алу міндетін жүктеген еді.</span>

<span>Биыл «Қайсар» клубының құрылғанына 50 жыл толады. Команда 1968 жылы алғашқы ресми ойынын өткізген еді. </span>