Акмаль Бахтияров «Арцах» клубына ауысты

<span lang="kk">«Қайраттың» бұрынғы ойыншысы Акмаль Бахтияров еревандық «Арцах» клубына ауысты.</span>

Ойыншы Ереванға келіп, жаңа ұжым құрамында дайындықтан өтуде. Бұл туралы Бахтияровтың агенті Селюк хабарлады. 

<span>«Арцах» Армения премьер-лигасының жоғары дивизионында өнер көрсетеді.</span>

<span lang="kk">«Арцах» клубының бас бапкері Рафаэль Назарян қазақстандық футболмен жақсы таныс. 2014 жылы «Тоболдың» бас бапкері Вардан Минасянның көмекшісі қызметін атқарған. 2015 жылы сәуір айында қостанайлық команда құрамынан кетті.</span>

<span lang="kk">Естеріңізге сала кетейік, 2018 жылдың 3 шілдесінде Акмаль Бахтияров «Қайрат» футбол клубынан өз еркімен кетіп қалған болатын. <span>Құқықтарын қорғау үшін алматылық клуб Дауларды шешу Палатасына өтініш беруге мәжбүр болды. </span></span>

<span lang="kk">Қазақстан футбол федерациясының ДШП бөлімі </span><span lang="kk">футболшының әрекетін заңсыз деп танып, 6 айға футболдан шеттетіп және 500 мың теңге көлемінде айыппұл салған болатын.</span>