Абзал Бейсебеков: Жеңіске жету үшін қолдан келгеннің барлығын жасаймыз

Еуропа лигасының плей-офф кезеңіндегі «Астана» мен АПОЭЛ арасындағы қарымта кездесу алдында елорда командасының қорғаушысы Абзал Бейсебеков журналистер сұрағына жауап берді. 

<span>— Біз ойынға толықтай дайынбыз. Жанкүйерлердің қызу қолдауының арқасында жеңіске жетіп, келесі кезеңге жолдама аламыз деген үміттемін. </span>

— Роман Григорчуктың уақытша қызметінен кетуіне байланысты жаттығу жұмыстарында қандай өзгерістер орын алды? 

<span>— Біз өзіміздің соңғы жылдарда ойнап келе жатқан ойынымызды ойнауға тырысып жатырмыз. Роман Иосифович өзінің тактикасын бізге ұғындыруға тырысты. Алайда, ол біздің оң жамбасымызға келген жоқ. </span>

— Антонио Рукавинамен бәсекелестік туралы ойыңызды білдірсеңіз? 

<span>— Бұл мен үшін үлкен тәжірибе. Ол Сербия ұлттық құрамасы сапында Әлем чемпионатына қатысқан және Еуропаның белді клубтарында ойнаған тәжірибелі футболшы. </span>

— Кипрдағы ойында командаға не жетіспеді? 

<span>— Менің ойымша сәттілік жетіскен жоқ. Бізде гол соғатын өте көп мүмкіндік болған еді. </span>

— АПОЭЛ командасының мықты жаққтары қандай? 

<span>— АПОЭЛ — өте жақсы команда. Дегенмен, біз өз алаңымызда өте жақсы өнер көрсетеміз. Ертеңгі кездесуде жеңіске жету үшін, қолдан келгеннің барлығын жасаймыз. </span>