Шағын футболдан Қазақстан құрамасы Сербиядан басым түсті

Киевте шағын футболдан Еуропа чемпионатына қатысып жатқан Қазақстан құрамасы Сербия командасын 2:1 есебімен ұтып, жартылай финалға жолдама алды.

<span>Бұл туралы Prosports.kz тілшісі 24.kz порталына сілтеме  жасап мәлімдейді.</span>

<span>Жерлестеріміз ойынның соңына дейін жеңісті қолдан бермеудің түрлі тәсілдерін көрсетті. Нәтижесінде алғашқы голды қарсылас қақпасына бірінші таймның 20-минутында Нұрбек Қарағұлов салды. Алайда еуропалық аяқдопшылар да қарап қалмай, бірінші таймда есепті теңестіріп үлгерді. Дегенмен өрендеріміз екінші таймның аяқталуына санаулы минут қалғанда қарсылас қақпаға гол соғып үлгерді. </span>

<span>Нұржан Әбдірасилов, Қазақстан құрамасының ойыншысы: </span>

<span>- Сербтердің бойлары ұзын, ірі келеді. Қақпамызға голды да ауадан өткізіп алдық. Ойын соңына алты минут қалған кезде Дастан Дарабаев, Қазақстан құрамысының капитаны салқынқандылық көрсетіп, қақпашының бойынан асырып, әдемі гол салды, 2:1 есебімен жартылай финалға шықтық. Румыния құрамасымен кездесеміз.</span>

<span></span>