Қазақстандық футболшы израильдік клубқа ауысуға жақын

23 жастағы қазақстандық қорғаушы Тимур Рудосельский жақын арада израильдік «Хапоэль» (Петах-Тиква) клубына ауысады. Бұл туралы израильдік ONE порталы жазды.

Басылымның ақпаратына сүйенсек, Рудосельский жақын арада жаңа клубымен бір маусымға келісімшартқа отырады. Петах-Тиквалық клуб Израильдің екінші дивизионында ойнайды.

Айта кетейік, Рудосельский 2012 жылдан бері алматылық «Қайратта» ойнаған. Ал биылғы маусымды «Жетісу» сапында бастап, 2 матчқа ғана қатысты.