Поль Погба өзінің мақсатын айтты

«Манчестер Юнайтед» пен Франция құрамасының жартылай қорғаушысы Поль Погба өз мансабында көбірек кубок ұтып алғысы келетінін айтты.

«Мен тек әлем чемпионатындағы жеңісіммен ғана мақтана аламын. Бұл маңызды жүлде екенін білемін, ол өмір бойы есімде сақталады. Бірақ мен барлық кубокты ұтып алғым келеді. Мен АПЛ-ді жеңбедім, Чемпиондар лигасын ұтпадым, Еуропа чемпионатында да жолым болмады. Мен әлі жаспын, алға қойған мақсаттарымды орындай аламын», - деді Погба.

Естеріңізге салсақ, биыл әлем чемпионатында Франция құрамасы финалда Хорватияны жеңген болатын.