Польшада төреші футболшының өмірін сақтап қалды

«Олимпия Эльблонг» пен «Бленкитны Старгард-Щециньски» командалары арасында өтіп жатқан кездесуде арбитр футболшының өмірін сақтап қалды.

Польшада ойын барысында футболшы допқа кеудесімен құлап, тұншыға бастаған. Осы сәтте төреші Марцин Лиана спортшыға жүгіріп келіп, көмектескен. Бірнеше секунд өтісімен ойыншы аяғынан тік тұра білді.

Дәрігерлердің қарауынан кейін футболшы ойын алаңына қайта шығып, кездесудің соңына дейін ойнаған.