Давид Лория «Ордабасыдан» кеткен жоқ

Шымкенттік «Ордабасы» командасының баспасөз қызметі қақпашы Давид Лорияның клубтан кеткені туралы жаңалықты жоққа шығарды, деп хабарлайды Prosports.kz.

- Кеше интернетте Лорияның «Ордабасыдан» кеткені жайлы ақпарат пайда болды. Бұл шындық па?

- Қазірше шын ақпарат емес. Ресми түрде ештеңе белгісіз.

- Демек, Давид командадан кетпеді ғой?

- Кеткен жоқ. Біз бүгін Қостанайға барамыз. Содан кейін барлығы анық болады.

- Қақпашының командадан кетуі жайлы әңгімелер болды ма? Футболшының өзі командадан кетуге дайын ба?

- Білмеймін. Мен клуб президентінен бұған қатысты ештеңе естіген жоқпын.

Естеріңізде болса, осыған дейін тәжірибелі қақпашының «Ордабасы» командасымен өзара келісім бойынша қоштасқаны хабарланған еді.