Патрик Твумаси Испания Ла-Лигасының командасы сапына ауысты
«Алавес» (Испания) футбол клубы «Астана» командасымен елорда командасының шабуылшысы Патрик Твумасиді қатарына қосутуралы келісімге келді, деп хабарлайды Prosports.kz клубтың ресми сайтына сілтеме жасап.
<span>Патрик медициналық тексерістен сәтті өтіп, жақын уақытта Ла-Лигада өнер көрсету үшін жаңа командасының тізіміне қосылады. Твумасидің қазақстандық командамен келісімшарты болғандықтан, «Алавес» командасы «Астанаға» өтемақы төлейді. Алайда, испаниялық команда өтініші бойынша өтемақы мөлшері жарияланбайды.</span>
<span style="font-style: inherit; font-weight: inherit;">Твумаси «Астана» сапына<span> </span> 2013 жылы латвиялық «Спартак» (Юрмала) сапынан ауысып, осы уақытқа дейін 171 ойын өткізіп, 69 гол соғып, 27 нәтижелі пас берген. Қазіргі уақытта, Твумаси – «Астана» футбол клубы тарихындағы үздік сұрмерген.<span> </span></span><span style="font-style: inherit; font-weight: inherit;">Патрик</span><span style="font-style: inherit; font-weight: inherit;"><span> </span></span><span style="font-style: inherit; font-weight: inherit;">«Астанамен» бірге 4 рет Қазақстан чемпионы атанып, Қазақстан Кубогында және 2 мәрте Суперкубокта жеңіске жеткен. Елорда командасымен бірге УЕФА Чемпиондар Лигасы мен Еуропа Лигасының (2 рет) топтық кезеңіне жолдама алған.</span>
<span style="font-style: inherit; font-weight: inherit;"> «Алавес» - испаниялық Ла-Лигада ойнайтын, жүз жылдық тарихы бар ұжым. «Алавес» 2000/2001 жылы УЕФА Еуропа Лигасының финалына шыққан, ал 2016/17 жылы Испания Кубогының финалында ойнаған. Команда Испания Ла-Лигасында 2017/18 жылғы маусымда 20 команданың ішінен 14-ші орынды иеленген.</span>
<span style="font-style: inherit; font-weight: inherit;">Твумаси «Астана» құрамынан Әлемдегі ең мықты клубтық чемпионаттардың бірі – испаниялық Ла-Лигаға ауысқан екінші ойыншы. </span>
<span style="font-style: inherit; font-weight: inherit;">Еске сала кетейік, «Астана» сапынан 2017 жылы Неманья Максимович «Валенсияға» ауысқан еді.</span>