Чемпиондар лигасы. «Астана» келесі кезеңге шықты

УЕФА Чемпиондар лигасының бірінші іріктеу кезеңінде елордалық «Астана» мен черногориялық «Сутьеска» кездескен.

«Астана Аренада» өткен алғашқы матчта алаң иелері 1:0 есебімен ұтқан еді. Ал Черногориядағы қарымта кездесуде астаналық ұжым сол басымдықты ұстап қана қоймай, оны ұлғайта алды.

Матч есебін 38-минутта Джордже Деспотович ашты. Оң қанаттан жасалған комбинацияны шабуылшы тамаша голмен түйіндей алды.

Ал үзілістен кейін Серікжан Мужиков оңтайлы жерден мүлт кетпеді – 2:0. Осылайша, «Астана» екі матчтың қорытындысы бойынша 3:0 есебімен жеңіске жетті.

Енді екінші іріктеу кезеңінде «Астана» даниялық «Мидтьюлланд» клубымен күш сынасады.

«Сутьеска» – «Астана» 0:2 (0:1)

Голдар: 0:1 – Деспотович 38, 0:2 – Мужиков 65