Мбаппе мундиальдағы жеңісі үшін берілген сыйақының барлығын қайырымдылыққа бағыттамақ

Әлем чемпионатының үздік жас футболшысы атанған Мбаппе ұлттық құрама сапында мундиальдағы жеңісі үшін берілетін сыйақының барлығын қайырымдылыққа бағыттамақ, деп хабарлайды Prosports.kz.

Атап өтілгендей, 550 мың доллар көлеміндегі қаражат мүгедек балалардың қажеттілігіне жұмсалатын болды.

Еске салайық, кеше, 15 шілде күні Франция құрамасы финалдық кездесуде Хорватиядан 4:2 есебімен басым түсіп, екі дүркін әлем чемпионы атанған болатын. Төртінші голды Мбаппе соқты.