Чебуриннің командасы Чемпиондар лигасын жеңіспен бастады

Қазақстандық бапкер Владимир Чебурин жаттықтыратын литвалық «Судува» Чемпиондар лигасының іріктеу кезеңін жеңіспен бастады.

Бірінші іріктеу кезеңінің алғашқы матчында «Судува» өз алаңында кипрлік АПОЭЛ-ді 3:1 есебімен жеңді. Ойында Риджино Сисилиа хет-трик жасаған. Қонақтар сапынан Каджу бір гол соқты.

Енді қарымта кездесу 17 шілдеде Кипрде өтеді.

Айта кетейік, өткен маусымда «Судува» Еуропа лигасының іріктеуінде плэй-офф кезеңіне дейін жеткен болатын.