«Астананың» Чемпиондар Лигасындағы ойынында венгриялық төреші қазылық етеді

Чемпиондар Лигасы алғашқы іріктеу кезеңі аясындағы «Астана» - «Сутьеска» арасындағы ойынға венгриялық Ференц Карако бастаған төрешілер құрамы төрелік етеді, деп хабарлайды елордалық клубтың баспасөз қызметі. 

<span>Ференц осыған дейін қазақстандық клубтардың қатысуымен өткен сырт алаңдағы екі ойында қызмет атқанған болатын. Ең алғаш рет жастар арасындағы Еуропа Чемпионаты аясындағы Люксембург – Қазақстан кездесуінде, одан кейін Еуропа Лигасы іріктеу кезеңі аясындағы «Широки Брег» - «Ордабасы» арасындағы матчта ойынның бас төрешісі қызметін атқарған. </span>

<span>Карако осы жылы Қазақстан Ұлттық құрамасының Болгарияға қарсы өткізген жолдастық кездесуінде де төрелік еткен. </span><br /><span>35 жастағы венгриялық қазыға алдағы ойында оның жерлестері Иштван Альберт пен Петер Кобор көмектеседі. </span>

<span>Еске сала кетейік, ойын 11 шілде күні кешкі сағат 20:00-де «Астана Арена» стадионында өтеді.</span>