ӘЧ өткен қалаларда 5 миллионнан астам турист жиналды

Футболдан 2018 жылғы әлем чемпионаты өтіп жатқан қалаларға 5 миллионнан астам туристер жиналған.

Олардың 2,9 миллионы – шетелдіктер.

«Ростуризм» басшысы Олег Сафоновтың айтуынша, туристердің басым бөлігі Мәскеуде болған – 2,7 миллион. Ал Сан-Петерборға 600 мың, Сочиге жарты миллион қонақ келіпті.

Бір қызығы, Саранск қаласында былтырмен салыстырғанда туристер саны 1678%-ға өсіп кеткен.

Айта кетейік, 15 шілдеде аяқталатын әлем чемпионаты енді Мәскеу, Сан-Петербор, Қазан, Нижний Новгород, Самара және Сочиде өтеді.