Акмаль Бахтияров «Қайратпен» келісімін үзді

«Қайрат» клубының ойыншысы Акмаль Бахтияров алматылық клубпен келісімшартын үзді, деп хабарлайды prosports.kz.

Болашағынан үміт күттірер футболышының «Қайрат» командасымен не себепті келісімін қысқартқаны әзірге белгісіз.

Айта кететін жайт, Акмаль Бахтияров «Қайрат» академиясының түлегі. Ол жасөспірімдер арасындағы Чемпиондар лигасының қатысушысы, «Қайрат U-19» командасының капитаны және Қазақстан жасөспірімдер құрамасының ойыншысы болған. Ал биыл бас командаға шақырту алып, Қазақстан кубогының «Ертіске» қарсы жартылай финалдық кездесуінде дебютін өткізген болатын.