Дмитрий Огай: Матч барысы қалыпты болған жоқ

«Жетісу» ФК бас бапкері Дмитрий Огай «Ертіске» қарсы ойыннан кейін пікірімен бөлісті. Бұл туралы «Ертіс» ФК баспасөз қызметі жазды.

- Матч барысы қалыпты болған жоқ. Басында «Ертістің» жақсы мүмкіндіктері болды. Оған біздің орталық қорғаушылардың қателіктері негіз болды. Жалпы сенімді ойын көрсете білдік. Қуантарлық нәтиже. Дегенмен бірінші таймда Камо Оганесян өз мүмкіндігін пайдаланып, гол соқса, одан да жеңіл болушы еді, - деді Огай.

Айта кетейік, «Жетісу» ел чемпионатының 16-турында сырт алаңда «Ертісті» 2:0 есебімен жеңген болатын.