Қазақстан құрамасының бұрынғы қарсыласы Сенегалға есе жіберді

Футболдан Ресейдегі әлем чемпионатында польша құрамасы Сенегалмен кездесті.

<span>Польша үшін доп додасын жеңіліспен бастау өте тиімсіз болатын. Өйткені, бұл топта Жапония мен Колумбия сынға түседі. Олардың ешқайсысы ұпай үлестіре қоятын құрамалар санатына жатпайды.</span>

Матч фавориті саналған еуропалықтар белсенді ойын көрсеткенімен, сенегалдықтарға есе жіберді. <span>37-минутта Тиаго Цйонек өз қақпасына гол соғып алды.</span>

<span></span>

Екінші голдың авторы <span>М'Байе Ньянг</span> атанды. Сенегалиялықтарға бос қақпаға гол соғу қиындық тудырмады.

Екінші таймның соңында<span> поляк Гжегож Крыховяк есеп айырмасын қысқартты. Ойын 2:1 есебімен Сенегалдың жеңісімен аяқталды. Аталмыш топтағы келесі тур 24 маусымда өтеді. Бұл турда Сенегал мен Жапония, Польша мен Колумбия кездеседі.</span>

Польша – Сенегал – 1:2

Голдар<span>: Тиагу Ционек (37), М'Байе Ньянг (60), Гжегож Крыховяк (87).</span>

Еске сала кетейік, Польша осы турнирге іріктеу кезінде Қазақстан құрамасының қарсыласы болған.