«Астана» «Ертісті» тағы да тас-талқан етті

Футболдан ел чемпионатының 14-турында елордалық «Астана» павлодарлық «Ертісті» қабылдады.

Алғашқы айналымда Павлодарда ел чемпионы қарсыласын 6:1 есебімен жеңген болатын. Бүгін де «Ертіс» «Астанаға» қарсылық көрсете алмады.

Бірінші таймның аяғында Роман Мұртазаев есеп ашқан. 60-минутта Джордже Деспотович алаң иелерінің басымдығын ұлғайтты.

Араға 7 минут салып, Мұртазаев екінші рет қанжығасын майлады. Қорытынды есеп – 3:0.

Осы жеңістен соң «Астана» 40 ұпаймен турнир кестесінде көш бастап келеді. Ал «Ертісте» 16 ұпай бар.

«Астана» - «Ертіс» 3:0 (1:0)

Голдар: 1:0 – Мұртазаев 40, 2:0 – Деспотович 60, 3:0 – Мұртазаев 67