Роналду әлем чемпионатындағы ең егде хет-трик авторы атанды

Португалия құрамасының шабуылшысы Криштиану Роналду әлем чемпионатының бірінші турындағы Испанияға қарсы матчқа хет-трик жасады.

«Реалдың» форварды әлем чемпионаттарында үш гол соққан ең егде футболшы атанды – 33 жас, 130 күн.

Сондай-ақ, ойыншы Испания құрамасына әлем чемпионатында хет-трик жасаған алғашқы ойыншы атанды.

Айта кетеейік, Роналду еуропалық құрамалардың үздік сұрмергендері тізімінде Ференц Пушкашты қуып жетті. Екеуінде де 84 голдан бар.