ӘЧ-2018: Испания құрамасы жеңіске жетсе 825 мың еуродан алады

Испания құрамасының ойыншылары  футболдан 2018 жылғы әлем чемпионатында жеңіске жететін болса әрқайсысы 825 мың еуродан сыйақы алады. Бұл туралы Marca-ға сілтеме жасап, ҚазАқпарат жазды. 

<span>Егер команда ширек финалға шыға алмай қалса, сыйлықақыдан қағылады. </span>

<span>Бұдан бұрын БАҚ Бразилия құрамасына әлемдік біріншілікте жеңіске жетер болса 1 миллион еуродан берілетіндігін хабарлаған болатын. </span>

<span>Еске сала кетсек,2010 жылғы әлем чемпионатында алтын еншілеген испандықтар 600 мың еуродан алған. Ал 2014 жылы 720 мыңнан алуы тиіс еді. Бірақ команда топтан шыға алмады.</span>

<span> Биылғы әлем чемпионатының матчтары 14 маусым мен 15 шілде аралығында Ресейдің 11 қаласындағы 12 стадионда өтеді. </span>

<span>Испаниялықтар В тобында Португалиямен (15 маусым, Сочи), Иранмен (20 маусым, Қазан) және Мароккомен (25 маусым, Калининград) кездеседі.</span>