Сергей Кисляк «Ертістен» кету туралы ақпарат жайында пікірін білдірді

«Ертістің» белорусьтік жартылай қорғаушысы Сергей Кисляк павлодарлық клубтан кететіні туралы ақпараттың өтірік екенін айтты.

«Мен туралы не жазып жатқандарын білмеймін. Ештеңеден хабарым жоқ. Агент солай айтты ма? Ендеше, оның өзінен сұрау керек. Менде «Ертіспен» келісімшарт бар. Жұмыс істеп, ойнап жүрмін», - деді футболшы.

30 жастағы Сергей Кисляк осы маусымда «Ертіс» сапында 12 матч өткізіп, 3 нәтижелі пас берген.