Қазақстан мен Әзірбайжан кездесуіне арналған кезекті акцияға қос Еркебұлан қатысты

Қазақстан мен Әзірбайжан құрамаларының жолдастық кездесуі қарсаңында Қазақстан футбол федерациясы елорданың бірқатар сауда ойын-сауық орталықтарында жанкүйерлерге арналған промоакциялар ұйымдастырды.

<span>Бүгін алғашқы шара «Еуразия 3» сауда орталығында өтіп, қала тұрғындары Ұлттық құраманың ойыншылары Еркебұлан Тұңғышбаев және Еркебұлан Сейдахметпен кездесті.</span>

<span>Жексенбілік таңда жүргізушілер жиналған жұртқа мерекелік көңіл-күй сыйлап, ең белсенді қатысушыларға ұлттық құраманың арнайы сыйлықтарын таратты. Жанкүйерлер футболшылармен суретке түсіп, қолтаңба алды.</span>

<span>Сонымен қатар, акцияға Астана қаласының «Үміт» дағдарыс орталығының балалары шақырылды. Ұйымдастырушылар балаларға да арнайы сыйлықтарын үлестірді.</span>

<span>Ұлттық құраманың ойыншыларының қатысуымен өтетін келесі шара «Keruen City» сауда орталығында өтеді. Басталуы - 14:30. Промоакцияның қонағы</span><span> Дмитрий Шомко</span><span> болмақ</span><span>.</span>