Қазақстан UEFA рейтингісінде 2017/2018 жылғы маусымды 28-ші орында аяқтады

<span>UEFA</span>-ның ресми сайтында 2017/2018 жылғы маусымның қорытындысы бойынша клубтық турнирлердің рейтингісі жарияланды, деп жазады футбол федерациясының ресми сайты.

<span>Қазақстан Норвегия, Словакия және Венгрия елдерінің қауымдастықтарын басып озып, 28 орынды иеленді.</span>

<span>Біздің клубтардың жалпы жинаған ұпайы - </span><span>18.125. 2016/2017</span><span> жылғы маусымның қорытындысы бойынша Қазақстан </span><span>15.250</span><span> ұпаймен 29 орынды иеленген еді.</span>

<span>«Астана» футбол клубы Еуропа Лигасының топтық кезеңінде 21.750 ұпай жинап, УЕФА-ның клубтық рейтингісінде 67 орынды алды. 2016/2017 жылдың қорытындысы бойынша елордалық клуб 51 сатыға төмен болған еді – 118 орын (13.750 ұпай).   </span>

<span>Айта кетейік, коэффициент елдің барлық клубтарының Чемпиондар Лигасы мен Еуропа Лигасының соңғы бес маусымдағы нәтижелерінің негізінде құралады.<span id="ctrlcopy"><br /><br /><br /></span></span>