Назарбаев Ресейге әлем чемпионатында жеңіс тіледі

<span>Қазақстан Президенті Нұрсұлтан Назарбаев Ресей Президенті Владимир Путинге 2018 жылы футболдан әлем чемпионатын табысты өткізуге тілектес екендігін білдірді. Бұл туралы ҚазАқпарат хабарлайды. </span>

<span>«Келесі айдан Ресейде ғаламшардың ең басты спорттық сайыстарының бірі футболдан әлем біріншілігі басталатын болады. Ғаламшарлық ауқымдағы үлкен шара. Біз ресейлік тарапқа оны тамаша өткізуге, ал ресейлік футболшыларға жеңіс тілейміз», - деді Қазақстан Президенті Жоғары Еуразиялық экономикалық кеңестің кезекті отырысында. </span>

<span>«Ресейлік тарап қайталанбас мерекелік атмосфера қалыптастырып, осынау маңызды шараны ең жоғары деңгейде өткізеріне сенімдімін. Біз бұл шараға шақырыламыз деп үміттенеміз», - деді Нұрсұлтан Назарбаев Ресей Президенті Владимир Путинге қарата. </span>

<span>Елбасының бұл сөзіне Ресей Президенті «Барлықтарыңыз да шақырылдыңыздар», - деп жауап берді.</span>

<span> Футболда</span><span>н 2018 жылғы әлем чемпионаты 14 маусымнан бастап 15 шілдеге дейін Ресейдің 11 қаласындағы 12 стадионда өтетін болады. </span>