Азамат Айтқожин: «Ақтөбе» футбол клубының балаларға қолайлы жағдай жасауы – баршаға үлгі

Қазақстан футбол федерациясының Бас хатшысы Азамат Айтқожин жұмыс сапарымен Ақтөбе қаласына барды.

<span>Сапар барысында Азамат Айтқожин 5 футбол алаңы бар балалардың жаттығу кешенін аралады. Сонымен қатар, футбол орталықтарының жаттығу процесімен танысты.</span>

<span>- Ақтөбе» футбол клубының балаларға қолайлы жағдай  жасауы – баршаға үлгі. Басқа футбол клубтары да осылай алға ұмтылуы керек. Аймақтағы команданың негізгі құрамы жергілікті футболшылардан жасақталатын уақыт келетініне сенімдімін, - дейді Азамат Айтқожин. – Жаңа стратегияға сәйкес, алдағы төрт жылда балалар-жасөспірімдер футболы және бұқаралық футболға баса назар аударылмақ. Біздің футболды жаңа деңгейге көтеру үшін осы бағытта жұмыс істеу қажет.</span>

<span>Қазақстан футбол федерациясы мен «Ақтөбе» футбол клубының жетекшілері аймақтағы футболды дамыту мен ортақ жұмыстың жоспарын талқылады.<span id="ctrlcopy"><br /></span></span>