Қазақстан жасөспірімдерін АҚШ футболшылары аямады
Бүгін Словакияның Трнава қаласында «Slovakia Cup-2018» турнирі басталды, деп хабарлайды prosports.kz сайты.<br /><br /><span>Аталған турнирдегі алғашқы матчында Қазақстан жасөспірімдер құрамасы (U19) ойсырай ұтылды. АҚШ-тан келген жас футболшылар біздің жігіттерді 8:0 есебімен тас-талқан етті.<br /></span><br /><span>Александр Кузнецов бастаған жігіттер бұрын-соңды мынадай масқара жеңіліске ұшырап көрмеген. Қайта халықаралық турнирлерде тәп-тәуір өнер көрсетіп, қазақ футболының болашағынан үлкен үміт күттіретін.<br /></span><br /><span>Өкіншіке орай, осы жолы Кузнецов бапкер де қатты сәтсіздікке ұшырады. Бұған себеп, команда сапындағы ойыншылар құрамында өзгерістер көп. Словакияда жаңа есімдерді ашуды басты мақсат ететінін Кузнецовтың өзі атап өткен болатын.<br /></span><br /><span>Сонда да, жанүйерлер дәл мынадай сүреңсіз ойын күтпеген еді. Мұхиттың арғы бетінен келген футболшылар біздің жасөспірімдер құрамасын аяған жоқ.</span>
«Slovakia Cup-2018» турниріндегі Қазақстан жасөспірімдер құрамасының ойын кестесі:
<span>7 мамыр. АҚШ - Қазақстан - 8:0 (2:0)</span>
<span>8 мамыр. Чехия - Қазақстан</span>
<span>10 мамыр. Қазақстан - Украина<span id="ctrlcopy"><br /><br /><br /></span></span>