УЕФА Чемпиондар лигасының финалистеріне 17 мың билеттен береді

УЕФА 26 мамырда Киевтегі «Олимпийский» стадионында өтетін Чемпиондар лигасының финалына шыққан командаларға 17 мың билеттер үлестіреді.

«Реал» екі матч қорытындысы бойынша «Баварияны» ұтып, бүгіннен бастап билеттерді сата бастайды.

Жалпы алғанда, ұйымдастырушылар 63 мың жанкүйер сыятын стадионның 40 700 орнын сатпақ. Қалғандары УЕФАға, футбол федерацияларына, демеушілер мен БАҚ-қа ұсынылады.

Ал екінші финалист бүгін «Рома» - «Ливерпуль» матчынан кейін анықталады.