Ибрагимович: Швеция Златан жоқ кезде жақсырақ ойнайды

«Лос-Анджелес Гэлакси» шабуылшысы Златан Ибрагимович әлем чемпионатында Швеция құрамасы сапында ойнамайтыны жөнінде пікірін білдірді.

«Мен халықаралық деңгейде өнерімді тоқтатқаннан бері ұлттық команданың мүшесі саналмаймын. Сондықтан ешқандай мәселе жоқ. Бірақ әлем чемпионатына барамын ба? Иә, барамын. Басқаша ешқашан айтқан емеспін. Ресейге ұшып барамын.

Швеция – әлем чемпионатының фавориті. Олар Златан жоқ кезде жақсырақ ойнайды», - деді Ибрагимович.