Құрбан Бердыев ҚФФ басшысымен кездесті

Қазандық «Рубин» футбол клубының бас бапкері Құрбан Бердыев Қазақстан футбол федерациясының шақыртуымен Астанаға келді. Бұл туралы ҚФФ ресми сайты хабарлады. 

<span>Қазақстан футболы күні Ресейдегі ең табысты бапкерлерінің бірі Құрбан Бердыев Астанаға ат басын тіреп, Қазақстан футбол федерациясының жетекшілері және ардагерлермен жүздесті.</span>

<span>Кездесуде мәртебелі мейман қазақстандық футболдың даму стратегиясының бекітілген нұсқасымен танысты. Қазандық клубтың бас бапкері маңызды құжатты жазу барысында өз тәжірибесімен бөлісіп, елеулі үлес қосқан еді.</span>

<span>Сонымен қатар, Қазақстан футбол федерациясы мен Құрбан Бердыев алдағы уақытта серіктестік жоспарын талқылады. Тәжірибелі бапкер Федерацияның бастамасын қолдап, қазақстандық мамандарға кеңес беруге дайын екенін жеткізді.<span id="ctrlcopy"><br /></span></span>