Верратти: ПСЖ-да қалғаныма қуаныштымын

ПСЖ жартылай қорғаушысы Марко Верратти франциялық командада қалғанына қуанышты екенін айтты.

Маусым басында италиялық хавбек «Барселонаға» ауысуы мүмкін болған еді.

«ПСЖ-да қаламын деп шешкенім үшін қуаныштымын. Дұрыс шешім қабылдағаныма одан сайын көзім жетті. Өз клубымда қалып, армандап жүрген барлық титулымызды жеңіп алғым келеді», - деді Вератти.

Осы маусымда 25 жастағы футболшы ПСЖ сапында Франция чемпионатында 22 матчқа қатысып, үш нәтижелі пас берді.