Ибрагимович – Роналдудың голы жайында: Енді солай 40 метрден теуіп көрсін

«Лос-Анджелес Гэлакси» шабуылшысы Златан Ибрагимович «Реал» форварды Криштиану Роналдудың Чемпиондар лигасы ширек финалында «Ювентус» қақпасына соққан голы жайлы пікірін айтты.

Роналду 64-минутта қайшылай соққы жасап, әдемі гол соққан болатын. «Реал» туриндік команданы 3:0 есебімен тас-талқан етті.

«Бұл әдемі гол болды, бірақ енді бұлай 40 метрден теуіп көрсін», - деді Ибрагимович.

Осылайша, Ибрагимович өзінің 2012 жылы Англия қақпасына соққан голын еске түсірді, сол ойында швед 40 метрден қайшылай дәл соққы бағыттаған еді.