Дик Адвокаат: «Біз мұнда жеңу үшін келдік»

<p style="text-align: justify;"> <strong>Еуропа лигасының топтық кезеңі аясында &nbsp;қарағандылық &laquo;Шахтермен&raquo; ойынын өткізу үшін Қазақстанға Голландияның &laquo;АЗ Алкмаар&raquo; клубы келді. Кездесудің алдында қонақтардың бас бапкері Дик Адвокат баспасөз мәслихатын өткізіп, журналистердің сұрақтарына жауап берді.</strong></p> <p style="text-align: justify;"> - Қарсыласымыз оңай шағылар жаңғақ емес. Шотландияның &laquo;Селтигімен&raquo; болған ойында бұл командаға сәл ғана сәттіліктің жетіспей қалғанын жақсы білемін. Сол кездесулерде қазақстандық команда өзін өте жақсы қырынан көрсете білді.</p> <p style="text-align: justify;"> <strong>- АЗ үшін Еуропа лигасы қаншалықты маңызды?</strong></p> <p style="text-align: justify;"> - Командада жарақат алған ойыншылар көп. Дегенмен, біз бұл ойынға өте тыңғылықты дайындалдық. Жасырмаймын, Еуропа лигасы біз үшін өте маңызды. Турнирде жеңіске жететін мүмкіндігіміз зор.</p> <p style="text-align: justify;"> <strong>- Кезінде Ресей ұлттық құрамасының бас бапкері болып тұрған шағыңызда Қазақстан футболы жайлы естідіңіз бе?</strong></p> <p style="text-align: justify;"> - Иә, Ресей ұлттық құрамасының бас бапкері болып тұрған кезімде Қазақстан жайлы көп естідім. Бұнда Германия және Голландиядан келіп жұмыс істеген мамандар мен жаттықтырушылардың аз емес екенін білемін.</p> <p style="text-align: justify;"> <strong>- Кездесуге дайындық барысында &laquo;Шахтердің&raquo; ойындарын қарадыңыз ба?</strong></p> <p style="text-align: justify;"> - Иә, &laquo;Маккабимен&raquo; өткізген кездесулеріңізді көрдім. Сол матчта &laquo;Шахтер&raquo; өте тамаша ойнап, жеңіске бір табан жақын болды. &laquo;Кеншілердің&raquo; көрсеткен ойын сапасы да керемет болғанын мойындаймын.</p> <p style="text-align: justify;"> <strong>- Жасанды алаң сіздің командаңыздың жарқын ойын үлгісін көрсетуіне кедергі бола ала ма?</strong></p> <p style="text-align: justify;"> - Мүмкін, ол да мүмкін. Бірақ біздің жігіттер жеңіске жету үшін қолдарынан келгеннің барлығын жасайды.</p> <p style="text-align: justify;"> <strong>- Команданың тізгінін қолыңызға алғаныңызға көп болған жоқ. Осы орайда, &laquo;АЗ Алкмаардың&raquo; әлеуетіне қандай баға бересіз?</strong></p> <p style="text-align: justify;"> - Біздің команда өте жас. Бірақ болашағынан зор үміт күттіретін футболшылар көп. Қазірдің өзінде кез-келген қарсыласымызды жеңуге шамамыз жетеді.</p> <p style="text-align: justify;"> <strong>- Егер ертең жеңіске жете алмай қалсаңыздар, бұл сіздер үшін трагедия бола ма?</strong></p> <p style="text-align: justify;"> - Біз мұнда тек жеңіс үшін келдік. Алаң иелерінен басым түсі үшін қолымыздан келгеннің барлығын жасаймыз.</p> <p> &nbsp;</p>