«Уфаның» бас бапкері Сейдахметтің неге ойнамағанын түсіндірді

«Уфаның» бас бапкері Сергей Семак Ресей чемпионатының 24-турында «Зенитке» қарсы матчта Еркебұлан Сейдахметті неге алаңға шығармағанын айтты.

- Сейдахметті неге шығармадыңыз?

- Бізде лимит бар, кімнің орнына шығарамын? Матч соңына таман шығара алмадық, сондықтан Павел Аликин шықты. Ресейлік футболшының орнына басқа ресейлікті шығара алдық.

Естеріңізге салсақ, «Уфа» өз алаңында «Зениттен» 1:2 есебімен жеңіліп қалған болатын. Сейдахмет қосалқы құрамда болғанымен, алаңға шыққан жоқ.