Месси «Севильямен» және «Ромамен» ойнамауы мүмкін

«Барселонаның» көшбасшысы Лионель Месси жарақатына байланысты алдағы матчтарда өз командасына көмектесе алмауы мүмкін.

Каталониялық клуб 31 наурызда Испания чемпионатының 30-турында «Севильяға» қонаққа барады. Кейін Чемпиондар лигасының ширек финалында 4 сәуірде «Ромамен» күш сынасады. Месси бұл екі ойынды да жіберіп алуы ықтимал.

Шетелдік БАҚ-тың хабарлауынша, аргентиналық футболшы оң жақ санын жарақаттап алған.

Осы маусымда Лионель Месси «Барселона» сапында 43 матч өткізіп, 35 гол мен 16 нәтижелі пастың авторы атанды.