«Ақжайық» өз жанкүйерлеріне автобус жалдады

31 наурызда Премьер-лиганың 3-турындағы «Ақжайық» - «Ертіс» матчы Ақсай қаласында өтетіндіктен, оралдық клуб өз жанкүйерлеріне арнайы автобус жалдады.

Автобус матч күні 10:30-да «Ақжайық» ФК стадионының көлік тұрағынан жүріп кетеді. Бұл автобус жанкүйерлерді «Қарашығанақ» стадионына дейін тегін апарады. Кейін матч біткен соң жанкүйерлерді Оралға алып қайтады.

Айта кетейік, «Ақжайық» - «Ертіс» матчы 31 наурызда жергілікті уақытпен 14:00-де басталады.