Ника Квеквескири: Қазақстанда да, Әзірбайжанда да екі команда көшбасшы болып тұр

Қостанайлық «Тобылдың» грузиялық жартылай қорғаушысы Ника Квеквескири Қазақстан мен Әзірбайжан чемпионаттарын салыстырды.

«Қазақстанда да, Әзірбайжанда да чемпионаттарда екі команда көшбасшы болып тұр. Ал қалғандарының деңгейі бірдей. Ойындарында жеңімпазды анықтау қиын. Мұнда Әзірбайжан чемпионаты секілді әр ойын күреске толы болады. Бір айырмашылығы – Қазақстанда күш-қуатың мықты болуы керек. Футболы сондай. Мұнда сырт алаңдағы барлық матчтарға ұшақпен барамыз. Жиі сапарда болған соң қайта қалпыңа келуің үшін уақыт аз қалады», - деді Ника Azerifootball.com сайтына берген сұқбатында.