Қазақстандық футбол клубтары легионерсіз қалуы мүмкін

ҚР спорт және мәдениет министрі Арыстанбек Мұхамедиұлының айтуынша, қазақстандық футболға шетелден ойыншылар келмеуі мүмкін.

«Биылғы жылы Қазақстанда футболды тек отандық футболшылар ойнау туралы мәселе көтеріледі. Бұл әр аймақтың құрамалары. Сонымен қатар, аймақ басшыларымен келісіп, жас футболшыларға барлық мектептерде жаттығу жасауға мүмкіндік ашамыз», - деді Мұхамедиұлы Атырау спортшыларымен кездесу барысында.

Сондай-ақ, бұл кездесуде министр биылғы қысқы Олимпиадада тек қазақстандық спортшылар өнер көрсетіп жатқанын айтты. Құрамамызда шетелден алынған спортшылар жоқ.