Сейдахмет «Уфадан» кеткен жоқ

Қазақстандық футболшы Еркебұлан Сейдахмет әлі де «Уфа» сапында жаттығып жүр. «Қазақ Мессиінің» клубтан кеткені туралы ақпаратты команданың баспасөз-қызметі жоққа шығарды.

«Бұл туралы қандай дереккөз хабарлады? Әлеуметтік желілердегі пікірлерге емес, ресми ақпараттарға сену керек қой. Тілші Никита Кузиннің фотосын қойып, құрметті журналисті агент деп атапты. Күлкілі!», - деп айтты «Уфа» баспасөз-қызметінің басшысы Сергей Тыртышный.

Айта кетейік, әлеуметтік желілерде Сейдахмет «Уфа» сапынан кетіп, Таразға оралды деген ақпараттар жарияланған болатын. Бірақ «Башинформ» агенттінің ақпаратына сүйенсек, Еркебұлан әлі де «Уфа» сапында жаттығып жүр.