«Қайсар» командасының құрамы жаңа шабуылшымен толықты

29 жастағы шабуылшы Йоанн Аркин «Қайсардың» ойыншысы атанды, деп хабарлайды prosports.kz сайты қызылордалық клубтің баспасөз қызметіне сілтеме жасап.

Йоанн Аркин бұрын «ФК Мэнсфилд» (Англия 2-ші дивизионы) құрамында ойнаған. Онда 12 кездесуде алаңға шығып, 2 гол соқты. «Сюрианска» (Швеция Д2) сапында 13 ойынға қатысып, 5 гол соққан.

Қызылордалықтар футболшымен бір жылдық келісімшартқа қол қойды.