Жасөспірімдеріміз жеңілістен көз ашпады

Беларусь астанасы Минскіде өтіп жатқан жасөспірімдер арасында «Даму кубогы 2018» халықаралық турнирде Қазақстан жеткіншектері тағы жеңілді.

<span>Ерлан Махамбедиев шәкірттері т</span>оптық кезеңде өткен үш кездесудің барлығында жеңіліп, С тобында соңғы орын алған еді. Енді 10-12 орындар үшін өткен кездесуде Финляндиядан келген құрдастарынан 1:3 есебімен ұтылып қалды.

Ойынның бірнші таймы 1:1 тең есебімен аяқталғанымен, екінші қырық минутта қарсыластарымыз жауапсыз екі гол соқты. Сөйтіп, Қазақстан жасөспірімдері бұл турнирдің ондығына да кіре алмады.