«Жетісу» Армения құрамасының футболшысын қатарына қосты

Талдықорғандық «Жетісу» армениялық жартылай қорғаушы Эдгар Малакянмен келісімшартқа отырды.

27 жастағы футболшының соңғы клубы украиналық «Сталь» болған еді. Бұған дейін «Пюник», «Бананц», «Алашкерт» пен «Ширак» сапында доп тепті.

Сонымен қатар, Малакян чехиялық «Виктория» мен «Динамо» клубтарының намысын қорғаған. 2009 жылдан бері Армения құрамасына шақыртылып жүр.