Қазақстан ұлттық құрамасының бұрынғы қақпашысы мансабын аяқтады
Қазақстан ұлттық құрамасының бұрынғы қақпашысы Андрей Сидельников футболдағы мансабын аяқтады. Бұл туралы футболшының өзі Instagram парақшасында мәлімдеді.
37 жастағы қақпашы әлеуметтік парақшасына ұзын-сонар жазба қалдырып, өзінің мансабын аяқтауға бел байлағанын жанкүйерлерге жеткізіпті.
«Мен бүгін сіздерге өзімнің футболдағы мансабымды аяқтаймын деп шешкенімді жеткізгім келеді. Футбол саласында жүргеніме 31 жыл толыпты. Алғаш 6 жасымда футбол үйірмесіне жетелеп апарған әкеме алғысым шексіз. Осы барыстағы барлық бапкерлеріме, командалас серіктеріме, жанкүйерлеріме алғыс айтамын. Сонымен қатар Қазақстан еліне айтар алғысым да жетерлік. Маған танытқан қонақжайлылықтарына ризашылығымды білдіремін», - деп ағынан жарылған Андрей мырза сөз соңында болашақ жоспарымен де бөлісе кетуді ұмытпапты, «Алдағы уақытта өзімнің шағын бизнесімді жүргізсем деген жоспарларым бар», - дейді бұрынғы футболшы.