Бородюк қызметінен кету үшін өтемақы талап еткен

Жақында футболдан Қазақстан құрамасын жаттықтырған Александр Бородюк қызметтен кеткені хабарланған еді.<br /><br />Алайда, нашар нәтиже көрсеткені үшін кешірім сұрап, өздігінен қызметінен кетіп бара жатқан Бородюк жоқ. Оның аяқталмаған келісімшарты үшін Қазақстан футбол федерациясы ресейлікке өтемақы төлейтін болды. <br /><br /><span>Федерацияның жаңа басшылығы ұлттық құраманың бапкерін жұмыстан босату үшін оның қойған талабын қабыл алуына тура келді. Бородюк 2019 жылдың соңына дейін жұмыс істейтін келісімшартты бұзғаны үшін 6 айлық жалақы мөлшерінде өтемақы талап етті. Және өзі үшін ғана емес, сонымен қатар ресейлік көмекшілерінің де қалтасын қалыңдатуды сұрады. ҚФФ-нің басшылары оның осы шартын қабыл алса ғана қызметінен кететінін айтқан.<br /></span><br /><span>Ресейлік маманның бұлай шарт қоя алуына бұрынғы басшылар кінәлі. Егер әу баста келісімшарт мазмұнына "Ойын нәтижесі ойдағыдай болмаған жағдайда, келісімді екіжақты бұзамыз" деп келіскенде дәл мынадай әурешілік болмас еді.</span>