Марку Силва «Уотфорд» командасының бас бапкері қызметінен шеттетілді

<span>Бүгін англиялық «Уотфорд» футбол клубы бас бапкері Марку Силваны қызметінен босатқанын жариялады. </span>

<span>Силва «Уотфорд» командасының тізгінін өткен жылы мамыр айында ұстаған болатын. Содан бері ол нашар нәтиже көрсеткен жоқ. Биыл Англия Премьер лигасында 24 ойыннан кейін 26 ұпай жинап, 10-ыншы сатыда келеді. </span><br /><span><br />Бірақ, португалиялық маманның жұмыстан қуылуына команданың нәтижесі емес, басқа жағдай себеп болып отыр. Анығы, «Уотфорд» клубының басшылары Силва рұқсатсыз, жасырын түрде басқа клубтармен байланыста болды деп есептейді.</span>

<span>«Біздің команда Маркудің жетекшілігінде жақсы өнер көрсетіп жүр, оны бас бапкер ретінде шақырғанымыз дұрыс шешім болған. Алайда клуб қызметінің қауіпсіздігі үшін онымен қоштасуымызға тура келді», - деп жазды клубтің ресми сайты.</span>